宾菲加造势叫球迷捐颈巾

各地联赛现阶段重开都係闭门作赛，唔少球队都谂办法加强主场气势，最普遍莫过于好似德甲慕逊加柏咁，放人型纸牌扮观众，最出位就肯定係韩职FC首尔起用「吹气Mary」，不过最终搞到畀联赛会罚款1亿韩圜（约63万港元）。葡超班霸宾菲加亦有新谂头，呢支上季盟主近日喺官方网站号召球迷捐出自己拥有嘅球会颈巾，等球会收集后，就会喺比赛期间放喺观众席上，营造红海气势（图），听落效果似乎麻麻地，唔知係咪可以吓到作客球队呢？