阻拜仁提早封王
德甲周中开快车，榜首拜仁慕尼黑今晚作客云达不来梅，只要赢波便可宣布完成8连霸伟业，不过不来梅亦要抢分护级，绝对唔会轻易就範。睇番拜仁近5次作客不来梅，从未试过净胜3球或以上，拜仁今场让两球唔值博；不来梅近7次主场联赛有6次开半场和，乘上场大胜柏达邦余威，有机顶到半场唔输，波童冷敲半场和。（无綫85台、Now 670及FOX+、有线651及611台周三凌晨2时30分直播）
主场联赛旺半和
拜仁上场虽有罗拔利云度夫斯基及汤马士梅拿停赛，不过仍靠小将约舒亚舒克斯及哥列斯卡各建一功，主场2比1险胜慕逊加柏，续以7分领先2哥多蒙特，赢埋今场就可以提前封王。拜仁两大主力今场双双复出，对手又係护级球队，难怪客W热到只得1.1倍，让球盘及让球主客和都要让两球。睇番拜仁今季15场作客联赛只有6场冇失波，而且佢哋连盃赛在内，近5次作客不来梅虽然赢晒，最叻嗰次都只係赢2比0，其余4次全部一球上落，今场要净胜3球先赢盘，值博率唔高。
不来梅已经连续13场主场联赛未赢过，好彩佢哋上场喺护级大战大胜柏达邦5比1，护级重现生机，依家佢哋同尾3嘅杜塞尔多夫同分，以3分落后尾4嘅缅恩斯，目标係抢得1分得1分，呢场必摆铁桶阵死守。不来梅对上7场主场联赛有6次顶到半场唔输，就算慕逊加柏、多蒙特等前列队伍易边前都攞唔到甜头，半场和有分头值得一博。
