马体会作客曳到爆
至于西甲早场戏码，就有毕尔包主场斗马德里体育会。马体会今季大跌Watt，早早跌出争标行列，全因今季作客成绩表现曳到冇朋友，佢哋于停摆前10场联赛作客只得1胜7和2负，今场作客巴斯克恶踢，毕尔包主场受让，必捧下盘。（Now 632周日晚8时直播）
死球出色食到应
马体会喺教练施蒙尼调教之下，一向以铁血防守同快速反击抢分，不过今季进攻效率变差，前锋线上欠缺一剑封喉射手，艾华路莫拉达有射术但级数始终未属顶班，迪亚高哥斯达今季又经常受伤，呢名西班牙射手近期更捲入逃税风波，或多或少会影响佢复赛后表现。除此之外，今季加盟嘅葡萄牙中场祖奥菲历斯伤多过踢，虽然经过停摆已伤愈，弊在今场佢需要停赛。
马体会今季作客13场只入11球，场均入球不足1球，係西甲20队入面作客入波第4少的队伍之一，暂时係近5季最差嘅作客入球统计，难怪马体会于联赛停摆前，10场联赛作客只得1胜7和2负。
毕尔包主场发挥出色，今季曾击败巴塞隆拿及皇家苏斯达，而且呢班波专靠死球搵食，偏偏马体会今季防守死球表现一般，今季失21球，有9球就係输死球，毕尔包可以集中喺佢哋弱项攻击，今场主场受让抵玩。
