B队场摆阵唔会冒进
今晚西甲重头戏，2哥皇家马德里迎战下游球队伊巴。由于巴拿贝进行扩建工程，皇马今场会喺B队用开嘅迪史堤芬奴球场摆阵，嚟到呢个较为陌生嘅球场，相信双方球员都需时适应，何况皇马今季防守表现比进攻出色，甚少大炒对手，停摆前联赛连盃赛4场全开3球或以下，捧3.5球嘅入球细最稳阵。（Now 632周一凌晨1时30分直播）
唔计周日凌晨赛果，皇马落后巴塞2分，为保争标1分都不能少。然而，对皇马嚟讲除咗要「后追」令心理压力加重，鉴于西甲重启后要闭门作赛，毋须担心入座率，皇马会方就索性停用巴拿贝主场并展开扩建，将复赛后余下主场赛事搬去迪史堤芬奴球场举行。虽然呢度亦係皇马一队平时练波嘅场地，不过喺「细场」踢正式比赛，短期嚟讲都会有负面影响。
况且，经过长达3个月休战期，一众球星亦未必可以即时回复十足状态，尤其係伤愈冇耐嘅夏萨特同马高阿辛斯奥，所以唔好期望皇马今场可以踢出以往喺巴拿贝嘅主场气势。
伊巴屯兵后防攻力疲
未踢今轮比赛前，排第16位嘅伊巴比尾3嘅马略卡只多2分，仍未脱离降班威胁，不过佢哋今季13场联赛作客仅获1胜5和7负，排联赛倒数第2，抢分机会微乎其微，而且中场主力干沙路艾斯卡兰迪停赛，势必更加屯重兵喺后防。皇马今季防守表现比进攻出色，27战联赛仅失19球，只有4次试过单场攻入4球或以上，睇埋皇马停摆前联赛连盃赛，连续4场皆开3球或以下，捧中位数3.5球细盘最稳阵。
