今晚英足盃早場錫菲聯主場鬥阿仙奴。「兵工廠」貴為英足盃奪冠次數最多嘅球隊，錫菲聯當然要重點招呼，佢哋無論聯賽或盃賽都以密集防守抗敵，近7場英足盃6次法定時間內開2球或以下，2.5球細盤好路。（周日晚8時開賽）
兵工廠傷兵滿營
阿仙奴曾13次捧走英足盃，現任領隊阿迪達亦曾於2014年及2015年以球員身份捧盃。面對呢支「英足盃專家」，錫菲聯自然要使出看家本領，以嚴密防守應付。錫菲聯復賽後狀態好一般，上周中作客慘吞曼聯3蛋，就算主場都唔敢貿然搶攻。
阿仙奴復賽後迎來地獄賽程，連同今仗連續4場作客，舟車勞頓影響發揮，加上佢哋傷兵滿營，尤其後防更係重災區，形勢所限相信阿仙奴今場會先做好防務。「兵工廠」今季兩對錫菲聯只得1和1負，論實力雙方相差唔遠，穩中求勝下入球唔慌多。
