今晚西甲上演加泰羅尼亞打吡，巴塞隆拿主場鬥愛斯賓奴。巴塞目前落後皇馬4分，為爭標不容再失；愛斯賓奴今場再失分就肯定降班，就算牌面低一線都要盡砌。兩軍近5次聯賽喺魯營球場碰頭有4次開4球或以上，3.5球大盤有買趁早。（Now 632及611周四凌晨4時直播）
巴塞上場聯賽作客大炒維拉利爾4比1，仍然落後榜首皇馬4分，聯賽得番4輪已冇失分空間，佢哋近5次聯賽主場對愛斯賓奴全勝，而且今季17場聯賽主場豪取15勝2和，勝算極高，不過球隊今季防線出現唔少漏洞，17場聯賽主場得7場冇失波，就算對住下游球隊如馬略卡、艾拉維斯及切爾達等均有失波，想保清白身唔係易事。
失分即降班
作客嘅「愛奴」近6場聯賽5負，現時落後尾4嘅艾拉維斯11分，如果今場失分便宣布護級失敗，即使餘下4輪全勝，仲要寄望其他護級對手失分，故此已無退路。愛斯賓奴今季首循環主場2比2踢和巴塞，有入波能力，今仗首選3.5球大盤。
