英超2哥曼城啱啱上訴得直，可繼續參加下屆歐聯，士氣高昂，今晚佢哋喺主場迎戰般尼茅夫，肯定踢得更肉緊，不過般茅剛贏波令護級重現一線生線，就算造訪「藍月亮」亦唔會坐以待斃，而且近年在曼城球場對碰例必大手交易，3.5球嘅大盤趁早買。（Now 621周四凌晨1時直播）
捷西斯史達寧弗到爆
日前國際體育仲裁法庭，推翻歐洲足協對曼城嘅歐洲賽「禁賽令」，並且罰款亦獲得減刑，一天都光晒，士氣又點會唔好？況且，曼城喺復賽後未有因衞冕失敗而「立油」，尤其係主場賽事，近4場喺自己地頭都大勝對手，包括5比0蹂躪紐卡素、4比0大勝利物浦、5比0擊敗般尼及送贈阿仙奴3隻光蛋，攻力強勁，所以曼城單計聯賽已累積91球，快將達百球大關，尤其係阿古路因傷提早收咧，而且仲有英足盃及歐聯要爭，睇番加比爾捷西斯回勇着番射門鞋，「假9」史達寧上仗連中三元，各有各好，大家都想做進攻Plan B，一定唔會揸流攤。
相比起試陣為主嘅曼城，尾3嘅般茅目標更鮮明，連續兩仗聯賽搶到分，包括上仗反勝前列分子李斯特城4比1，蘇蘭基更省兩粒，依家落後尾4屈福特3分，聯賽剩番3輪，為咗護級，場場都當決賽咁踢冇得縮，中堅尼敦阿基都傷埋，隨時以攻代守。加上曼城近4次主場對般茅，全開4球或以上，3.5球嘅大盤乃不二之選。
