今晚英超前4爭奪關鍵戰，需搶3分嘅狼隊作客般尼。般尼守強攻弱，遇強往往唔敢輕舉妄動，狼隊近況稍為回穩，不過來到作客場合多數以穩行先，初段經常處膠着狀態，半場和值得再追。（Now 623周四凌晨1時直播）
般尼主場出擊堅硬淨
般尼一向硬淨，尤其係主場出擊，今季17場聯賽主場只失20球，不過就僅入22球，可見其踢法重守輕攻，雖然已提前上岸，但近5場聯賽取得3勝2和，包括上場作客逼和冠軍利物浦1比1，打破紅軍今季聯賽主場全勝紀錄，戰意不俗，門神尼克普比更作出8次成功撲救，成為球隊全身而退嘅功臣。不過射手基斯活特傷愈後狀態未弗，另一前鋒艾殊利班尼斯仲養緊傷，鋒力大受削弱下，今場遇強必定加強防守。
狼隊仍然力爭前4，早前戰績下滑，聯賽接連輸畀兩大勁敵阿仙奴同錫菲聯，好彩上場以3比0擊破愛華頓，總算重上正軌。不過列強對狼隊靠艾達馬查奧爾嘅側擊有所防範，經常派多人夾擊佢，令箭頭魯爾占美尼斯冇啖好食，近4場聯賽入得1粒。事實上，狼隊不嬲都穩中求勝，尤其係作客，連同盃賽在內，近5場客戰均與對手半場打和，其中4場半場波膽為0比0，今場關係到前4爭奪成敗，肯定踢得更加謹慎，半場和不妨追多鋪。
