今晚英超頭場有聯賽榜4哥李斯特城主場鬥錫菲聯。李城復賽後狀態大跌，由原本穩佔前3名，嚟到呢刻有機會跌出前4，銳氣已過料會踢得更小心，而且佢哋今場仲有正選中堅蘇恩古坐波監，對住一向硬淨嘅錫菲聯唔會輕出，推介半場和。
（Now 621周五凌晨1時直播）
蘇恩古停賽踢得更謹慎
李斯特城自英超重賽後狀態一直低迷，上場作客護級球隊般尼茅夫仲喺半場領先1粒之下，換邊後連失4球大敗而回，士氣受到沉重打擊，依家佢哋只憑較佳得失球差力壓同分嘅曼聯，除今場之外，李城餘下2輪仲要硬撼熱刺及曼聯，絕對唔易應付。正選中堅蘇恩古上場輸波兼輸品，搞到踢人領紅牌，今場坐波監唔出得，相信一眾球員會更加謹慎，唔敢壓上搶攻。
錫菲聯近4場聯賽贏3場，數字上仲有機會爭前4，不過佢哋贏波全部係主場，單計作客復賽後4場未贏過，而且加埋僅入1球，睇番佢哋近4場聯賽作客上半場都未入過波，加上李斯特城近7場主場有6次開半場和，今場再追半場和啱數。
