今晚意甲尾場國際米蘭作客史帕爾，國米爭標機會唔大，但都想以亞軍完成今季，戰意有保證；榜尾嘅史帕爾近6仗5負曳到極，以國米豪華鋒線，大炒唔難，捧讓球客勝。
（myTV Gold 301、Now 638、有線654及614台周五凌晨3時45分直播）
國米早前陷入小低潮，上場憑借將阿歷斯山齊士（A山）交出兩個助攻，及時反彈以3比1擊敗拖連奴。前鋒拿達路馬天尼斯亦射入1球，結束5場入球荒，有助提升信心，呢位阿根廷國腳盛傳畀巴塞睇中，餘下賽事必加多幾錢肉緊，配合已有20球進帳嘅盧卡古，同埋鹹魚翻生嘅「A山」，國米火力夠晒保證。
史帕爾無藥可救
榜尾史帕爾深受降班威脅，可惜礙於實力所限，想搶分都有心無力，佢哋復賽後毫無反彈良方，近6場錄1和5負，其中近3場捧蛋之餘，全部淨負2球或以上，單計主場出擊今年更係未贏過波，即使有地利亦無補於事，遇上來勢洶洶嘅國米，整定要大敗。
