今晚巴塞隆拿主場迎戰奧沙辛拿。巴塞爭標形勢被動，只求做好自己，主場謝幕戰必定想以勝仗謝幕；奧沙辛拿等放假，加上近年作客魯營多大敗而回，巴塞讓二球照捧讓球主勝！
（Now 633周五凌晨3時直播）
奧沙辛拿等放假
巴塞現時仍落後皇馬4分，最後兩仗要寄望皇馬連續失分，衞冕機會確實渺茫，不過歐聯16強8月重開，巴塞相信會利用餘下聯賽保持狀態為歐聯備戰，今晚主場謝幕唔會放軟手腳。
奧沙辛拿現排西甲中游，由於唔使護級，近期多場賽事派遣副選上陣，幾位攻擊主力好似阿根廷球星艾斯基爾艾維拉、西班牙翼鋒羅拔圖托利斯同射手魯賓加西亞，悉數被收起或退居後備，擺明等放假，以致呢一排嘅成績反覆。再睇往績，巴塞近5次主場對奧沙辛拿皆贏4球或以上，今仗讓球主勝放心捧場。
