排尾3嘅般尼茅夫今晚進行護級搶分戰，將於主場迎戰修咸頓！般尼茅夫依家落後尾4嘅屈福特3分，只剩2輪情況之下已經再冇失分空間，主場出擊必定毫無保留爭勝搶分，預料今場係鬥攻格局，中位數2.5球入球大咪錯過。
（Now 621周日晚9時直播）
以攻代守冇退路
作客嘅修咸頓位列中游、定過抬油，球會成績上已經冇明確目標，不過王牌前鋒丹尼艾格斯近期狀態巔峰，火力全開有力問鼎神射手寶座，呢位英格蘭前鋒近7場聯賽入5球，今季聯賽累積已入20球，有機會同占美華迪及奧巴美揚拗手瓜，修咸頓講明會全力配合，用盡所有進攻踢法，為丹尼艾格斯提供足夠入波機會。事實上早已「上岸」嘅修咸頓近期踢法進取，近7場作客賽事有6場總入球開3球或以上，冇包袱之下想入波更得心應手。
不過對手般尼茅夫就壓力爆燈，今場攞唔晒3分隨時提早宣布降班，更大鑊係後防主力尼敦阿基受傷缺陣，但係形勢上焗攻冇退路，預計佢哋踢法會以攻代守；今場勢成開放式對攻賽事，入球大最值得捧場。
