今晚除咗有意甲之外，仲有5場瑞典超，其中斯德哥爾摩打吡戰，2哥馬模主場硬撼哈馬比。馬模今季表現平穩，例如托禾倫等幾名回流球員交足貨，必乘勝追擊死對頭哈馬比，上盤讓半一不容錯過。（周五凌晨1時開賽）
「艾堡」米贊比旺入波
兩軍向來牙齒印甚深，今年仲有曾效力馬模嘅巨星伊巴謙莫域，竟然做「叛徒」入股哈馬比，更增添新仇。上季屈居亞軍嘅馬模，今季搵嚟前丹麥國腳「型佬」湯馬臣執教，老將托禾倫離開澳職回巢幫拖，仲有艾錫泰連回流。其中艾錫泰連8次上陣已有5球進帳，包括上仗反勝卡爾馬2比1省入兩粒，若非末段宴客已「戴帽」，難怪馬模連贏2場重上正軌。
相反，哈馬比開咧後9仗聯賽贏得3場，只在中下游徘徊，令人失望，加上馬模近5次聯賽主場全勝哈馬比，擺明格食格，有力贏今場打吡攞威。
至於同時間3哥艾夫斯堡作客米贊比，兩隊近況都頗飄忽，艾夫斯堡雖於上仗擊敗佐加頓斯，但始終唔多信得過。睇番艾夫斯堡對米贊比近5次碰頭，有4次開3球或以上，2.5球嘅大盤更可取。最後係墨超聖路易斯體育會主場對祖亞雷斯，受疫情影響，喺1月開打嘅墨超次只踢咗10輪就被迫腰斬，因此今仗係墨超首揭幕戰；兩軍喺腰斬嗰季只排中下游，何況停咗4個月唔慌有態，捧2.5球嘅入球細更划算。（周五上午10時開賽）
