仍要為歐霸盃資格努力嘅熱刺煞科戰作客水晶宮。水晶宮連輸7場「等收工」，熱刺可望贏波攞尾彩，讓一球上盤可敲。（Now 623周日晚11時直播）
卡尼重拾佳態
熱刺暫以37戰58分排第7，只比排第6位嘅狼隊少1分，為搶歐霸資格戰意旺盛，佢哋近3場聯賽愈戰愈勇，先後擊敗阿仙奴及紐卡素，上場更以3比0大炒李斯特城，王牌哈利卡尼連續2場梅開二度，逐漸回復最佳狀態。
已「上岸」嘅水晶宮大踢風流波，近7場聯賽全敗，當中6場「食白果」，點會唔令人擔心。睇埋往績，熱刺近年喺呢個「倫敦打吡」對碰佔盡優勢，近7次聯賽對碰全勝，讓一球捧上盤坐走望贏。
