巴沙克舒希大牌老將在陣

土耳其新貴巴沙克舒希，今季成功打破加拉塔沙雷、費倫巴治同比錫達斯3大傳統豪門嘅壟斷局面，首次稱王土超，陣中有唔少前英超猛將，包括羅賓奴、丹巴巴亞、基捷基治同史卡迪爾等，正因為有一班大牌老將在陣，巴沙克舒希陣容平均年齡亦被拉高至29.9歲。佢哋今晚喺歐霸16強次回合鬥哥本哈根，食粥食飯要睇靈魂人物華斯卡表現，呢位波斯尼亞好波之人，今季歐霸轟入6球，包括首回合射入12碼幫球隊領先1比0，一於睇吓佢今場會唔會再做英雄啦！

（Now 644、有線661及601台周四凌晨零時55分直播）