美職回歸盃決賽，由奧蘭多城及波特蘭伐木者爭奪冠軍。奧蘭多城有前曼聯中場拿尼壓陣，而波特蘭伐木者近8季6次殺入美職季後賽，亦具相當實力，兩軍於復賽後表現強大火力，6戰全部都能夠取得入球，相信今場一開波就會鬥攻，2.5球入球大趁早買。
（myTV Gold 302、Now 639、有線655及615台周三早上8時30分直播）
受疫情影響，美職重開之後採用盃賽形式喺中立場進行，奧蘭多城及波特蘭伐木者經過分組賽、16強、8強及4強共6場賽事之後，雙雙殺入決賽。
奧蘭多城坐享半個主場
奧蘭多城自2015年加入美職，今次係首次打入季後賽，即刻就殺入決賽，佢哋晉級過程極具說服力，曾喺分組賽擊敗上季常規賽東岸冠軍紐約城，8強亦淘汰上季常規賽西岸兼總冠軍FC洛杉磯，隊長拿尼及前鋒基斯梅拿表現八面玲瓏，由於回歸盃喺奧蘭多迪士尼舉行，奧蘭多城仲變相有半個主場之利添。
至於波特蘭伐木者更係近年美職其中一支成功球隊，近8季6次殺入季後賽，2015年贏得季後賽總冠軍，2018年殺入決賽但功虧一簣，不敵阿特蘭大聯屈居亞軍，今季當然希望可以再嘗冠軍滋味。事實上，佢吔喺6場回歸盃表現上乘，法定時間獲4勝2和成績，而且場場有波入，當中5場總入球達3球或以上，相信今仗會同奧蘭多城對攻，唔難出現一場入球騷。
