三箭欺善怕惡
日職重開後賽程緊密，除咗早前有球員確診嘅鳥棲砂岩繼續休戰，明晚又有8場賽事上演，其中聯賽榜4哥FC東京會作客鬥廣島三箭，東京今季作客保持一貫穩健作風，開季6場作客聯賽未輸過，相反三箭欺善怕惡，對住前列球隊冇必勝把握，FC東京受讓捧讓球客勝。
（有線662及602台周三晚6時直播）
今季作客6戰不敗
三箭上季日職排第6，落後上季亞軍FC東京9分，來到今季情況差唔多，三箭暫時排第8，FC東京則排第4，論戰績及表現以東京稍佔上風。東京上季17場作客聯賽只輸5場，不敗率達7成，今季頭6場聯賽作客佢哋更攞到3勝3和，包括擊敗上季盟主橫濱水手及打和爭標分子大阪櫻花，表現充滿說服力。
三箭開季9戰4勝1和4負，表現不過不失，不過佢近7場聯賽只贏過包尾嘅湘南比馬及尾3嘅FC橫濱，面對大阪飛腳、大阪櫻花都輸波，實力同前列球隊有明顯分野，加上FC東京近年作客三箭往績唔差，聯賽連盃賽近6次取得4勝1和1負，今場有得受讓更值支持。【华体网波经频道】
