澳職常規賽今午煞科，由西部聯對墨爾本城。「墨城」已鎖定常規賽2哥之位，心態明顯放鬆；西部聯近況勇銳，贏波即可以第3名衝線，寧買當頭起，西部聯受讓平半，必捧下盤！（myTV Gold 302、Now 639、有線655及615台周三下午5時30分直播）
「墨城」復賽首場曾擊敗1哥FC悉尼，及後提早鎖定常規賽亞軍，球員心態放鬆，上場領先2球大好形勢下，畀阿德萊德聯末段逼和2比2，前鋒格力洛尼領紅牌被逐，今場要坐波監。事實上「墨城」已肯定以常規賽亞軍身份直入季後賽4強，今場只屬例行公事，實在無謂因小失大，喺呢場勝負無關痛癢嘅比賽增添傷兵，影響季後賽調動，今場留力亦無可厚非。
贏波即做3哥
另邊廂，首季征戰澳職嘅西部聯，亦已穩入前6取得季後賽入場券，佢哋今場只要贏波就可升上第3位，有利喺季後賽遇上實力較弱對手，仲有一定爭勝理由。西部聯近期亦表現出對勝利嘅飢渴感，連停擺前近7場聯賽獲6勝1負佳績，凌厲後勁成為首闖季後賽關鍵。「戰神」貝利沙喺上述7場比賽個人轟入8粒，表現老而彌堅，拍檔麥斯貝基斯及迪亞文迪亦頻有士哥，相信唔想連勝勢頭被打窒，影響出戰季後賽信心，西部聯今場受讓平半，下盤值得吸納。【华体网波经频道】
