今晚蘇超壓軸尾場，登地聯主場迎戰班霸些路迪。些路迪今季火力強勁，射手奧辛尼艾度亞迪腳風奇順，上場聯賽意外失分，今仗必定想先發制人，加上近年交手例玩閃擊戰，半場客勝有買趁早。
（myTV Gold 302、Now 639、有線655及615台周日凌晨零時30分直播）
上輪失分必喪攻挽面子
些路迪向來喺蘇超打橫行，自2012年起聯賽9連霸，有辦你睇，今季開咧戰即大炒咸美頓5比1，但之後竟只能打和基爾馬諾克1比1，冇晒飛士。適逢中場保連高尼麥邦保因違反防疫條例，搞到之前兩場聯賽被迫延期，反而令佢哋抖到夠，喺剛周中歐聯外圍賽「復出」豪贈雷克雅維克6蛋，非常餓波。
些路迪擅打主攻，一度有盛傳獲阿仙奴垂青嘅射手奧辛尼艾度亞迪，呢3場波共入4粒，而拍檔穆罕默艾爾尤諾斯於歐聯外亦省兩粒，難怪3仗共轟12球，火力全開。
今季升班嘅登地聯，雖然頭4輪聯賽取得2勝1和1負，表現不俗，但對親些路迪都冇運行。兩軍近7次交鋒，些路迪唔單止贏晒，其中6次喺上半場已取得領先優勢，非常搶韁，面對些路迪嘅閃擊戰，預計登地聯半場都頂唔住，半場客勝值得捧場。【华体网波经频道】
