降班熱門正面對撼
日職周六獨腳戲，清水心跳主場鬥FC橫濱；兩隊季前都被視為降班熱門，清水心跳踢法有前冇後，今季聯賽連盃賽8場主場入15球、失20球，總入球全開3球或以上，遇上同級對手更加唔會死守，2.5球嘅入球大乃不二之選。
（有線661及601台周六下午5時直播）
心跳上季聯賽以第12名過終點，但只比尾3嘅湘南比馬多3分，計實力處於榜下游，而且心跳上季34場聯賽失69球，係全季日職失波最多球隊，不過呢班波鋒力不俗，上季入球數字比前列嘅大阪櫻花更多，今季陣容又冇太大變化，幾乎係出多過入，貫徹上季攻強守弱特色，聯賽連盃賽8場主場只有1場冇入波，其餘7場共轟15球，反而防線就場場有失波。心跳今季8場主場從未試過打和，足證球隊爭勝決心十足，有利製造入球。
事實上由對賽往績去講，清水心跳取得3勝1和明顯喺FC橫濱之上，雙方2016年喺日乙碰頭兩次，心跳就以3比0、2比0雙殺對手，心理上佔有優勢。而且心跳後勁超強，入球最多時段集中喺下半場30至45分鐘，偏偏FC橫濱喺同時段就失波最多，食到應一應。
橫濱門將被禁倒戈易失波
新升班嘅FC橫濱季前被視為降班熱門球隊之一，果然佢哋頭9場聯賽僅贏過另一支升班球隊柏雷素爾，戰績低迷在預期之內，不過FC橫濱近2場聯賽接連於主場擊敗湘南比馬及鹿島鹿角，聯賽榜升上第14位，球員信心大增，作客面對近況唔算突出嘅心跳，相信亦唔會太過保守，問題係由清水借用嘅門將六反勇治，被禁倒戈披甲，冇咗呢位近況大勇嘅守護神把關，FC橫濱後防穩定性銳減，入球大開出機率亦大增。【华体网波经频道】
