射手貝利沙養精蓄銳
澳職季後賽第1圈，西部聯與布里斯班獅吼喺中立場悉尼交鋒，兩軍於常規賽分別排第5名及第4名，僅有1分距離，實力不相伯仲，但論近況，西部聯更勝一籌，佢哋近8場聯賽取得6勝2負，合共攻入23球，火力強大。反觀布里斯班獅吼近4場僅1勝，雙方狀態高下立見，首選西部聯客勝。
（myTV Gold 301、Now 638、有線654及614台周日下午4時直播）
首季參加澳職嘅西部聯度過季初適應期之後，表現愈戰愈勇，近8場贏6場，而且當中不乏大勝，包括贏中岸水手6比2、大炒阿德萊德聯5比1，代表作一定是早前作客以2比1擊敗常規賽冠軍FC悉尼，並成功取得季後賽資格。西部聯上場不敵第2位嘅墨爾本城，皆因佢哋當時已穩奪季後賽席位，正選陣容收起首席射手貝利沙，直至65分鐘先至派佢上陣，明顯留力今場生死戰。
獅吼無復停擺前勇態
35歲老將貝利沙今季澳職有19球進帳，包括首循環作客布里斯班獅吼射入1球，協助球隊贏2比0，呢位科索沃射手近4場聯賽都取得士哥，合共轟入5球，腳風非常順，西部聯要撕開獅吼防線，並唔困難。
獅吼喺澳職重開之後，4場聯賽僅取得1勝2和1負，而且所贏對手只係排尾2嘅墨爾本勝利，可見獅吼並未恢復賽事停擺前嘅佳態。事實上，獅吼近年積弱，上季未能打入季後賽，前季季後賽喺第1圈已經出局，今場遇上大勇嘅西部聯，恐怕難逃一敗。【华体网波经频道】
