今晚蘇超直播戲碼，聖莊士東主場鬥2哥喜伯年。老牌球隊喜伯年開咧後有驚喜演出，連場報捷，相反聖莊士東只曾1勝，寧買當頭起，喜伯年小讓平半，上盤咪走寶。
（myTV Gold 301、Now 638、有線654及614台周日晚11時30分直播）
由於早前有些路迪等球隊違反防疫禁令，令蘇超頭4輪賽程有變，亦促成喜伯年異軍突起。佢哋開咧弗到爆，頭4輪取得3勝1和不敗佳績，殺上前列，而且贏波3仗全部都係先入波，夠晒搶韁，以杜迪治、奇雲尼斯畢及馬田保爾為首嘅進攻線，包辦晒全隊頭4輪7粒入波，威力十足。
聖莊士東遇強即屈
相比之下，聖莊士東嘅表現失色唔少，開咧頭4輪只得1勝1和2負，包括慘吞勁旅格拉斯哥流浪3蛋，明顯遇強即屈。睇番雙方近3次碰頭，喜伯年2勝1和未輸過，包括上季作客都贏4比1，箭頭杜迪治更大演帽子戲法，今仗隨時再做聖莊士東剋星。喜伯年呢類中型班都係打道氣，依家順開唔好拗頸，今仗讓平半夠晒筍，上盤值得捧場。【华体网波经频道】
