主力復出 殺氣騰騰
今晚瑞典超頭場賽事之一，榜首馬模主場迎戰弱旅科根堡。近期氣勢如虹嘅馬模經歷聯賽8連勝後，上場殘陣作客米贊比終於失分，只能打和2比2，今仗回師主場兼有多位主力復出，必搵科根堡做出氣袋，可望速戰速決，半場主勝值博。（無綫85台周日晚8時30分直播）
馬模上輪失分，好大程度係因為教練湯馬臣玩試陣，喺箭頭艾錫泰連停賽、老將托禾倫休息之下，馬模改用球員唔踢慣嘅「假9」無鋒陣，最終喺兩度落後下搶番1分，已經有交代。馬模今場雖有守將艾密特賀錫停賽，不過今季已有7球進帳嘅艾錫泰連刑滿復出，托禾倫亦「叉足電」，加上因傷缺陣多時嘅後防拉斯慕斯賓特臣及拉斯尼路臣，已經全面復操，今場有機會正式復出，馬模陣容更加完整。
科根堡後防唔穩陣
作客嘅科根堡實力一般，尤其後防唔多穩陣，今季16場聯賽失咗26球之多，佢哋上輪對住態沉嘅AIK蘇納，亦只能踢成1比1，面對鋒力強橫嘅馬模凶多吉少。馬模今季主場出擊踢法搶韁，近6場主場賽事有4次領先半場。睇埋兩軍對賽往績，馬模近5次聯賽對科根堡，全部都能夠半場贏波，今仗可放心直取半場主勝。【华体网波经频道】
