锋将回巢脱胎换骨
澳职季后赛资格争到头崩额裂，今日独脚戏就有场关键大战，珀斯光辉主场迎战纽卡素喷射机。呢两队波近期开行Turbo，全速争上季后赛嘅「尾班车」。排第7位嘅珀斯光辉喺安迪基奥治回巢后脱胎换骨，近6次联赛对纽卡素喷射机都顺利赢波，摆到明剋住对手，一于再捧珀斯光辉2.32倍「让球主胜」。
（有线64、203周一下午5:00直播）
「澳职MSN」火力勐
珀斯光辉突然间sharp醒晒，最大原因肯定係安迪基奥治1月回巢，呢位爱尔兰射手喺近5场联赛有4场拎到入波，佢拍住夏朗特同迪亚高卡斯度，简直横行 无忌，近期表现更被澳洲传媒形容为「澳职MSN」，无可抵挡，更何况佢哋上仗主场入咗狮吼6粒，攻击力够晒保证。
仲有呀，佢哋上场力战下临尾香输畀「1哥」西悉尼流浪者，可以话非战之罪。查实佢哋上场输波前，成功打出5连胜嘅走势，班人状态都几弗，而且今仗只得左闸马斯禾伦坐波监，其他主力全部候命，重响胜鼓唔难。
喷射机近6次联赛交手输晒
另边厢嘅纽卡素喷射机近4场联赛3胜1和，状态大勇，不过今场对住「剋星」珀斯光辉就令人担心，事关佢哋过去6次联赛对珀斯光辉全败，包括首循环喺主场大败1:6，球员信心难免受到动摇，未踢就打窒咗道气，今仗恐怕凶多吉少嘞！
