今晚欧联16强次回合另一场比赛，由辛尼特主场迎战宾菲加，辛尼特首回合踢到补时阶段失手饮恨0:1，今仗返主场形势上必定要抢攻，可惜球队依家状态麻麻，歇冬后3场正式赛90分钟内都入唔到波，至于宾菲加今场摆明会稳守突击，「入球细」开出机会高。
（有线61、64、201及203、中央5台周四凌晨1:00直播）
辛尼特前线哑晒火
辛尼特今仗有后衞基斯薛图同防守中场查维加西亚停赛，球队希望抢攻亦有后顾之忧，尤其歇冬后3场波都死气沉沉，除咗俄盃加时赢波晋级外，3场波法定时间内都交白卷，今仗就算有主场之利唔係咁易入波。
宾菲加近期录得4连胜，再加上连续9场作客赢波，不过今仗有中场安祖艾美达同后衞查度利华度累积满黄牌停赛，门将施萨索拉斯同中坚安达臣雷沙奥亦因伤大有机会唔踢得，依家既然揸住一球喺手，梗係大玩稳守突击，宾菲加近2仗都零失球，今场应该都顶得住唔失波，入球细抵玩。
