墨尔本城后防曳
今日澳职独脚戏上演1场前列大战，由联赛「一哥」阿德莱德联主场迎战第4位嘅墨尔本城。「阿德」呢期杀得性起，近9场联赛取得8胜1和，虽然墨尔本城火力一流，不过佢哋作客成绩麻麻，相信今次几难阻止对方全取3分，「阿德」让到半一都照撑2.16倍上盘。
（有线64及203周五下午4:40直播）
阿德莱德联近排喺澳职走势凌厉，连续14场联赛不败之馀，近9铺更赢足8场，其中6铺更至少轰入对方3粒添。无论係锋将柏保路山齐士、迪捷特、定还是中场布鲁士卡马奥，脚风都超顺，加上佢哋呢铺喺自己地头出战，赢波可以话係十拿九稳。
阿德联赛14场不败
手墨尔本城火力虽然係联赛最强，22战取得54个入球，平均每仗攻入2.45球咁多，大幅抛离其他球队。之但係入得多波唔代表赢梗喎，因为呢班波防守差劲，吓吓出现前面入埋唔够后面输嘅情况，佢哋嘅失球数字亦喺联赛前8位中最多嗰队，夹埋失咗38球，搞到球队不时失分，可以话好睇唔好食。
更何况班波喺客场出战一样同人斗攻，结果咪出事囉，墨尔本城近5场作客仅得1和4负，铺铺至少失守2粒，可想而知班波根本冇谂过改善。呢次仲要造访气势爆灯嘅阿德莱德联，想再凭斗攻抢分，怕且同自掘坟墓都冇乜分别咯。
