上届美职季后赛盟主波特兰伐木者，嚟到今季依然保持强势，上仗2:1打败季后赛亚军哥伦布机员，尽显实力同状态。呢次佢哋作客圣荷西地震，凭班波近年频频喺圣荷西抢分嘅经验嚟睇，想保持不败真係冇乜难度可言，1.51倍让客唔好错过。
（TVB302周一早上7:00直播）
刚签李城翼锋巴姆比
伐木者成功喺联赛开门红后，未有停下步伐，赛前反而落实签入李斯特城翼锋巴姆比增强实力，足见球会几咁进取。事实上佢哋今季成功保留大部分主力成员，上季首席前锋费兰度亚迪上仗亦顺利开斋，人脚未有太大改变下，仍然值得支持佢哋。
地震多名主力养紧伤
何况伐木者对上6次作客地震，足足5次保持不败，呢匀可以受让咁笋，梗係唔好放过。再讲地震上仗虽然亦打开胜利之门，之但係佢哋饱受伤兵问题困扰，前锋哥迪尔卡图、中场比路斯、守将佐敦史超活等人均需养伤，人脚唔齐整，呢次对住伐木者仲点赢吖。
