砌阿甲兵例慢熱
周五早上南球盃激戰連場，阿King度咗隻重心玩過關。就係聖保羅主場火併高隆，聖保羅出戰南美賽事，開波初段都鍾意睇定啲嚟踢，尤其面對實力有番咁上下嘅高隆，更加唔敢大意，必定伺機行事，半場和好路。
（周五早上6時30分開賽，馬會網上文字直播）
巴甲老牌球隊聖保羅，繼2016年賽季打入南美自由盃4強後，近兩季都只能屈就踢低一級別嘅南球盃，爭標意欲細好多，因此佢哋唔會擺太多心機落去，尤其依家只係第2圈，聖保羅相信會見步行步，況且佢哋近4仗南美賽事主場出擊，表現比較慢熱，頭45分鐘都打和，包括面對羅沙里奧中央同防衛者兩支阿甲兵，呢場面對同樣嚟自阿甲嘅高隆，聖保羅穩陣起見，早段應該唔會太冒進，半場和啱數。
玻利瓦爾搶韁吼半場W
同日較遲開波，仲有富明尼斯主場對迪芬沙士砵亭，烏拉圭球隊迪芬沙士砵亭南美賽事踢得保守，近6仗5次半場同對手打和，呢場作客巴甲強隊，應該頂到半場，半場和值博。最後有玻利瓦爾主場迎戰卡利，玻利瓦爾雖然首回合慘吞對手4蛋，不過次回合返到佢哋嘅高原主場，優勢可以話十分明顯，加上佢哋近3仗南美賽事主場出擊，半場都取得領先優勢，呢場睇好玻利瓦爾一開波就全力反撲，半場主勝冇走雞。
