周三早上國冠盃美國站，英超勁旅熱刺喺明尼蘇達州強戰意甲老牌球隊AC米蘭。兩軍教頭都係以感染力見稱，熱刺領隊普捷天奴及AC教練加度素喺場邊嘅肉緊樣，絕不遜於場內激戰，球員都肯為佢哋賣力，所以不論正賽同熱身賽都一樣好睇，所以兩軍對碰，相信入波必多，熱刺踢國冠盃比其他勁旅進取，唔會Hea踢，連同上屆賽事，近5仗國冠盃全開3球或以上，今場隨時同AC米蘭上演入球騷。（有線603及604台周三早上8時30分直播）
普捷天奴戰術着重前場壓迫，無論放乜嘢球員落去都係一樣，所以熱刺雖有哈利卡尼、維頓漢等多名世盃國腳缺陣，但今屆首2仗國冠盃，熱刺均在落後的情況下，先後於法定時間內反勝羅馬4比1、以及2比2逼和巴塞，一眾邊緣人如拉美拿、盧卡斯莫拉及洛蘭迪等絕不放過表演機會，當中莫拉及洛蘭迪，更於首戰梅開二度，非常搶鏡。
熱刺近7戰意甲兵6大
AC米蘭舊年由加度素執教初期，有人質疑其能力，不過，佢實在可以激發球員鬥志，由以往悶蛋足球變成一支爛砌嘅球隊，有時球隊落後也好，亦會繼續搵機會，尤其呢類季前熱身賽，贏輸唔係太重要，更加可以訓練球隊士氣同鬥志，同熱刺鬥攻，況且熱刺近7次鬥意甲兵，6次開3球或以上，今仗大盤有計。
