小將掛帥鬥馬體會
周一晚上國冠盃新加坡站，巴黎聖日耳門（PSG）將會面對馬德里體育會，我阿King有心水過關推介醒大家。PSG呢次帶咗成班年輕球員東征，對住其他歐洲勁旅明顯輸蝕，加上球隊過往國冠盃常有大手交易，呢場隨時又失多幾粒，中位數2.5球入球大值博。
（有線603及604台周一晚上7時30分直播）
PSG前中後三線，包括尼馬同堤亞高施華等一眾主力踢完世盃，依家仲放緊假未歸隊。睇返PSG今次出征新加坡嘅大軍，除咗有老將保方把守防線最後一關外，大部分都係以年輕球員為主，明顯想畀一班後生仔見見大場面，不過求變嘅後果係整體實力大打折扣，上仗就畀阿仙奴以1比5炒起。加上佢哋過往8仗國冠盃有7次都開4球或以上，呢場入球騷肯定都走唔甩，中位數2.5球入球大博得過。
特利堡後防穿窿「大」鑊
跟住再搭多場瑞典超，新升班嘅特利堡防守實力欠奉，近5仗聯賽全開3球或以上，面對前列分子哈馬比難以招架，中位數去到2.5/3球亦可揀大。
最後巴甲巴希亞主場挑戰明尼路，巴希亞聯賽踢得較保守，近5仗聯賽4次半場同對手打和，呢仗面對勁旅明尼路更加唔敢冒進，半場和咪錯過。
