高古帶隊首騷唔衰得
歐洲各大聯賽陸續開鑼，其實歐聯外圍賽已經打到第3圈，今晚深夜上演多場首回合激戰，阿King又有過關心水介紹畀大家。葡超賓菲加先喺主場擺擂台迎戰土耳其勁旅費倫巴治，費倫巴治今季搵嚟荷蘭名宿高古執教，野心唔細，面對近年歐戰冇料到嘅賓菲加，作客有力偷雞，2.4倍讓球客勝捧得過。
（周三凌晨3時開賽）
高古上季帶領燕豪芬重奪荷甲盟主寶座之後，功成身退向外闖，前往土超費倫巴治接受新挑戰，今場將會係呢位荷蘭少帥入主後，首次帶領球隊出戰正式比賽，自然唔想開壞個頭。眾所周知，荷蘭足球注重邊鋒戰術，高古作為傳承者亦唔例外，今季費倫巴治就由史雲斯借得加納翼鋒阿休，加強側擊能力，配合經驗豐富嘅西班牙前鋒蘇爾達杜，攻力有保證。主隊賓菲加近年歐聯戰績麻麻，近5次主場出戰歐聯，只得1勝4負，毫無優勢可言，費倫巴治作客隨時會有驚喜，讓球客勝值博。
維迪奧頓硬淨細頂馬模
另外兩場較早時間開波嘅歐聯外，瑞典超馬模主場對匈牙利球隊維迪奧頓。維迪奧頓上輪兩回合對住保加利亞勁旅盧多格德斯都冇失波，防守硬淨，今場作客會以守代攻，細盤好路。（周三凌晨1時15分開賽）另外比甲標準列治主場硬撼荷甲阿積士，阿積士近10仗歐戰作客只贏過1場，咁嘅表現點讓波，寧捧讓球主勝好過。
（周三凌晨2時開賽）
