周三凌晨國冠盃大戰，車路士坐鎮主場迎戰里昂；車仔過去兩仗國冠盃喺法定時間都贏唔到，球隊明顯未適應新帥沙利嘅戰術，加上箭頭人物艾華路莫拉達未挽回自信，門前表現依然疲弱，今場面對擺硬鐵桶陣嘅里昂，車仔開局難佔甜頭，寧願捧半場和。
（有線602及662台周三凌晨3時直播）
車仔向來都有聘請意大利領隊嘅傳統，繼維埃里、安察洛堤、迪馬堤奧同干地之後，今次揾嚟另一位意籍主帥沙利執掌教鞭，呢位前拿玻里掌舵人過往靠傳控戰術，喺意甲取得驕人成績，今次唔止將成套戰術理念移植到史丹福橋球場，仲將核心球員佐真奴費路帶埋上「車」，希望進一步加強中場控制能力，不過其他球員似乎仍需要時間了解沙利嘅踢法。況且上季「失機王」艾華路莫拉達，仍需要時間重拾射門鞋，車仔前場把握力實在令人擔憂。
里昂守勢波抗敵
里昂王牌費基亞盛傳將會離隊，不過呢支法甲勁旅保留迪比同貝特蘭查奧爾等主力，今夏更引入攻擊好手馬田泰利亞，實力有保證。今場面對強敵車仔，里昂肯定會先做好防守，況且車仔近4次面對法甲球隊，有3次開半場和，值得再追。
