周中盃賽做主打，阿King重心睇中場歐聯外圍賽第3圈首回合賽事，些路迪主場迎戰AEK雅典。AEK雅典因希臘聯賽未開咧，狀態始終差啲，而且些路迪一向靠主場搵食，近年喺自己地頭出戰歐聯外戰績極佳，今仗有力拔頭籌，讓半一照捧上盤。
（周四凌晨2時45分開賽）
AEK雅典陣中有多名希臘國腳，仲有新加盟嘅克羅地亞前鋒馬高利華查壓陣，實力唔曳，不過聯賽未開咧，佢哋只係靠熱身賽催谷狀態，效果點都冇正式比賽咁好。相反，些路迪唔單止喺日前開咧嘅蘇超，以3比1輕取利雲斯頓，而且佢哋已經出戰咗頭2圈嘅歐聯外，包括上圈兩回合計贏洛辛堡3比1，早早操起狀態。況且呢支蘇超班霸一向靠主場搵食，佢哋近11仗歐聯外於自己地頭出擊，豪取10勝1和佳績，一定趁地利入多幾粒，擴大出線優勢，就算讓半一都照捧上盤。
小保加未弗吼細盤
至於自由盃16強首回合，小保加主場火併利伯泰迪，小保加僅靠「拍跳」狀態好極有限，不過利伯泰迪青黃不接，作客必先求穩陣，今仗唔慌多波入，捧入球細。（周四早上6時30分開賽，馬會網上文字直播）最後美聯盃4強戰，費城聯主場迎戰芝加哥火燄，火燄傷兵滿營，包括小將迪亞高甘保斯上陣成疑，必定踢得小心，佢哋喺近4仗美聯盃作客出擊，有3次半場同對手打和，半場和值得再追。
