周二早上阿甲獨腳戲，圖庫曼體育會主場鬥競賽會，阿King度條過關幫大家搵餐晏。競賽會進攻核心今夏離隊，攻力隨即打晒折扣，呢場作客面對住近排防守表現不俗嘅圖庫曼體育會，恐怕入球唔慌多，入球細捧得過。
（周二早上8時開賽）
圖體會今季大事增兵，引入多位中後防實力猛將，包括後衞辛洛文、馬泰斯阿比路同埋經驗老到嘅中場梅西亞，防線實力大大提升滴水不漏，近3仗全勝冇失波全開2球或以下，呢場面對勁旅競賽會更加唔敢輕舉妄動，加上競賽會進攻核心拿達路馬天尼斯今夏畀國際米蘭撬走，鋒線實力大減，呢場作客冇咁易偷到雞，細盤值博。
諾高平大起哈馬比
另外，再搭多兩場瑞典超，「3哥」諾高平主場硬撼「2哥」哈馬比，哈馬比作客表現頑強，面對不嬲靠主場揾食嘅諾高平，隨時大火併，大盤冇走雞。而排名倒數第2嘅特利堡主場鬥辛斯華爾，特利堡近3仗入得2球，呢仗都唔慌多波入，細盤係心水之選。
