周三凌晨英聯盃第1圈連場大戰，阿King又有過關推介醒大家。其中最值得留意嘅，梗係有香港球員戴偉浚效力嘅英甲球隊牛津聯！佢哋會喺主場迎戰高雲地利，牛津聯有前冇後，經常同對手演入球騷，盃賽場合更加放開嚟踢，入球大唔好錯過。
（周三凌晨2時45分開賽）
戴偉浚有望演首騷
英聯盃首圈係由英格蘭低組別球隊對撼，呢堆「二打六」為求上位，往往心口都掛個勇字，以攻代守鬥士哥，牛津聯同高雲地利都唔例外。牛津聯喺英甲開局戰績慘淡，呢場肯定加多兩錢肉緊，希望得到新球季主場首勝。事實上，佢哋近2仗英聯盃就全開6球或以上，呢場對住近8仗英聯盃7次開3球或以上嘅高雲地利，「癲鳳鬥狂龍」入波唔會少。加上球隊今季引入嘅3位新兵當中，就包括令香港球迷驕傲嘅港將戴偉浚，「浚仔」上季踢貝利嗰陣，就經常為球隊喺盃賽上陣，今場隨時會係佢喺牛津聯嘅首騷添！
跟住再揀多場列斯聯主場對保頓，列斯聯新帥比爾沙上任之後，大打進攻足球，近2仗狂轟7球，兼全開4球或以上，呢場大盤值得再追。最後仲有樸茨茅夫主場對AFC溫布頓，樸茨茅夫新賽季開局直取2連勝，士氣高昂有望乘勢追擊，主勝冇走雞。
