西甲今晚正式開咧，以尾場最有睇頭，就係貝迪斯主場迎戰「小蝙蝠」利雲特。貝迪斯今季有得打歐霸盃，今夏大事增兵，除獲世盃表現出色嘅日本國腳乾貴士加盟外，亦簽入士砵亭悍將威廉卡維奴及皇蘇中場簡拿利斯，實力大增。相反「小蝙蝠」冇乜買人，近7場熱身賽贏得1場咁大把，加上近5次交手，貝迪斯錄得全勝，格食格下可打響頭炮。
（Now 632周六凌晨4時15分直播）
揭幕戰基羅納搶頭彩
至於早少少開波嘅揭幕戰，由基羅納主場迎戰升班球隊華拉度列。基羅納喺近期「拍跳」贏多輸少，包括大勝熱刺4比1，表現突出，另一邊廂華拉度列近況低迷之餘，近3次造訪基羅納全敗，再訪凶地難逃厄運。
（Now 632周六凌晨2時15分直播）
