周四早上美職獨腳戲，紐約城將會主場同紐約紅牛上演打吡大戰，等我阿King又醒番條心水過關畀大家。美職主場王紐約城，今季喺自己地頭未輸過，加上近年主場出擊都專剋同市死敵，呢場上盤捧得過。（Now 639周四早上7時直播）
紐約城今季主場表現強勢，除咗有前西班牙國家隊射手韋拿壓陣之外，其餘一班前鋒都有貨交，其中達祖尼今季聯賽個人已經斬獲10球，另外捷西斯麥甸拿近3仗主場都有波入，攻擊點眾多令對手防不勝防。而且紐約城近期主場迎戰同市死敵都佔盡優勢，近3仗交手都大獲全勝，表現靠得住，紐約城讓平半，上盤冇走雞。
阿積士歐聯做晒「大」騷
另外再搭多兩場歐聯附加賽，其中阿積士主場面對基輔戴拿模，阿積士前鋒亨特拉爾出戰歐聯賽事特別醒，近3仗歐聯入咗4球，有佢壓陣阿積士有力同對手鬥攻，中位數2.5球入球大係好路。最後匈牙利球隊維迪奧頓近4仗歐聯半場3次同對手打和，呢仗主場出擊面對實力不俗嘅希臘球隊AEK雅典，估計開局都會繼續保守戰術，半場和唔好錯過。
