周一凌晨意甲激戰連場，其中國際米蘭將會主場火併拖連奴，我阿King又度咗條激筍過關好路同大家分享。國米今季開局表現低迷，聯賽首戰就慘吃敗仗，呢仗主場讓唔起實力不俗嘅拖連奴，寧願捧番讓球客勝好過。
（Now 638周一凌晨2時30分直播）
今季意甲球市因為C朗加盟祖雲達斯，搞到沸沸揚揚鬼死咁熱鬧，國米作為傳統聯賽競爭者，梗係唔執輸，季前大力增兵，簽入尼恩高蘭同拿達路馬天尼斯等新球員，可惜前者不嬲場外花邊新聞多，近日佢又畀人影到喜愛夜蒲嘅一面，影響軍心，而後者首戰上陣表現麻麻，明顯未適應意甲踢法。相反今夏簽入前線猛將施蒙尼沙薩嘅拖連奴，近5次同國米交手取2勝2和1負，表現有保證，呢場作客有力偷雞，讓球客勝捧得過。
串拉魯斯大颶風隊細
跟住再搭兩場阿甲，其中拉魯斯主場對住新升班嘅阿度斯維，拉魯斯近2仗聯賽全開3球或以上，攻力有番咁上下，呢場大盤冇走雞。最後颶風隊近5次面對小保加4次開2球或以下，呢場主場對番要留力踢自由盃嘅小保加，細盤絕對係不二之選。
