周三凌晨英錦標分組賽連場激戰，阿King當然有過關心水推介畀大家，其中南部H組英甲1哥彼德堡將會作客面對英乙球隊米爾頓凱恩斯；彼德堡今季走勢強勁，尤其前線交到貨，今場面對低組別球隊預計搶分冇難度，客勝捧得過。
（周三凌晨2時45分開賽）
上季彼德堡喺英錦標表現可圈可點，只係輸畀最終勇奪冠軍獎盃嘅林肯城，踢至8強止步；今季彼德堡強勢回歸，肯定希望喺呢項盃賽行得更遠。今年初先上任嘅蘇格蘭主帥史提夫伊雲斯，新一季幫球隊由蘇超引入一班實力猛將，包括中場麥克奧哈拉、後衞積臣賴史密夫同射手積臣甘明斯，每位表現都對辦，尤其積臣甘明斯近4仗喺英甲射入5球搶晒鏡，火力有保證，今場作客對住乙組仔米爾頓凱恩斯都冇有怕。
過關預埋查爾頓樸茅
跟住再串埋南部G組查爾頓主場對AFC溫布頓，AFC溫布頓近期後防全線崩潰，近4仗失咗11球，作客只會更加難踢。查爾頓上仗聯賽最後關頭絕殺修安聯，球員信心被激起，今次主場相信會乘勝追擊對手，捧主勝比較穩陣。最後主場強勢嘅樸茨茅夫，近2仗主場都贏對手2球或以上，今場南部A組主場迎戰走勢低迷嘅基寧咸有力大勝，讓球主勝唔好錯過。
