周四朝早有美職同巴西波，阿King搵番直播美職串兩關巴甲玩吓。先講美職獨腳戲，紐約城主場迎戰新英倫革命。紐約城今季聯賽主場未嘗過敗仗，暫時取10勝3和，不過強勢表現近期有所放緩，比起季初一開局就搶攻嘅氣勢，最近表現轉趨穩打穩紮，近5仗主場就有4次半場同對手打和。作客嘅新英倫革命聯賽下半季表現麻麻，尤其最近前線攻力欠奉，近3仗只入得1球，加上今仗要作客，比賽初段踢得謹慎好正常，半場和屬不二之選。
（Now 638周四早上7時直播）
國體育主場搵食技高一籌
此外，巴甲前列大戰，由排次席嘅國際體育會對「3哥」法林明高，兩軍實力接近，但國體會近期主場戰績突出，其中近8仗主場就錄得6勝2和，氣勢強勁。相反法林明高近7場作客賽事，僅贏過1仗，睇得出法軍喺作客情況表現慣性走樣，今場肯定難打，尤其係國體會已經連續7場零失球，法林明高今場根本難以匹敵，宜捧主勝。（周四早上8時45分開賽，馬會網上文字直播）
同時間開波嘅明尼路對聖保羅，明尼路近排有條「黃金攤路」，近6場賽事全部開半場和，對手不論係中下游嘅華斯高同保地花高，定係次席嘅國際體育會都係咁踢，可以預計佢哋對於榜首嘅聖保羅都會照辦煮碗，繼續追半場和為妙。
