往績格食格 狀態冇走樣
歐國聯A級聯賽第1組今晚爆發第2輪大戰，世盃冠軍法國主場迎戰「橙色軍團」荷蘭。法國首場作客德國於捱打劣勢下保住1分，今返主場為保出線機會不容再失。法國近4次交手全部贏波，而且4次都能喺半場領先，主W只得1.36略為偏熱，讓一球、球半又嫌多，建議捧半場主勝。
（奇妙電視77台、有線602及662台周一凌晨2時45分直播）
法國首、次席門將洛里斯及文丹達於今次歐國聯皆因傷避戰，法國上場作客德國起用之前從未代表國家隊上陣嘅巴黎聖日耳門艾路拿把關，估唔到呢名國家隊新丁卻成為咗法國和波英雄，面對力圖振作嘅德國，法國大部分時間處於下風，全憑艾路拿下半場作出多次精彩撲救，法國才得以保住1分完場。
雖然法國未能踢出決賽周時嘅王者霸氣，但整體水準未有太大走樣，基沙文、基利安麥巴比依然極具威脅，右閘班拿文派華特初段被踢傷依然頂足全場，就算今場休息，摩納哥嘅迪積比爾薛迪比亦有足夠實力取代其空缺。
近4次對賽半贏全贏
荷蘭上場國際賽主場以2:1反勝秘魯，不過呢場其實係退役國腳史奈達嘅告別戰，競爭意味較弱，而且朗奴高文今年2月才正式上任，至今僅領軍5場比賽，仍需一定時間才搵到合適陣容及攻守模式。法國骨幹成員已合作多年，默契勝荷蘭一籌，加上雙方對上4次交手，法國全部贏晒，足證兩軍實力有一定差距，不過法國今場主W太熱，讓一球、球半又有機會贏波輸盤，既然法國對上4次贏波都能領先上半場，荷蘭上場對秘魯亦係半場落後，今場捧半場主勝更上算。
