史達寧倦勤 修哥求穩陣
歐國聯A4周日凌晨爆發重頭戲，「三獅兵團」英格蘭主場迎戰「狂牛兵團」西班牙。「三獅兵團」在修夫基領導下踢法極為保守，加上進攻主力之一嘅史達寧因傷倦勤，面對同樣有箭頭迪亞高哥斯達缺陣、處於新舊交接嘅「狂牛兵團」，預計入球數字唔會高，波童捧2.5球嘅入球細。
（奇妙電視77台、有線602及662台周日凌晨2時45分直播）
A4除有今場2支主角英格蘭及西班牙，仲有應屆世盃亞軍克羅地亞，可以講係A級聯賽最勢均力敵嘅一組。英格蘭於今夏世盃攞到第4名，穩守突擊踢法備受好評，可惜世盃後有中堅加利卡希爾及前鋒占美華迪宣布退出國家隊，翼鋒史達寧因傷今次冇入選，對進攻火力及反擊效率都造成影響。
更何況，英軍近年成績大躍進，全靠修夫基一直鼓吹極具效率嘅防反踢法，特別係對住風格接近、大家熟晒路嘅歐洲對手，「三獅兵團」往往以不失球為先要目標，過去9次鬥歐洲球隊有5次保持清白之身，總入球全開2球或以下，預計今場交收唔會多。
西班牙迪哥退隊試新兵
西班牙方面，征戰多年嘅中場恩尼斯達、大衞施華及中堅碧基世盃後宣布退役，令新帥安歷基甫上任即面對接班考驗，今次安帥徵召咗唔少新血，包括畢爾包守將恩尼高馬天尼斯、皇家蘇斯達中堅迪亞高洛蘭迪及AC米蘭翼鋒蘇索等等，試陣味濃。
再者，前鋒迪亞高哥斯達因私人理由退隊，要靠喺英超冇啖好食嘅艾華路拉莫達攻堅，鋒力畀唔到人信心，相信首次領軍嘅安歷基會更加保守，中位數2.5球開細機會高。
