周六凌晨法甲尾場，巴黎聖日耳門（PSG）將會主場迎戰聖伊天。以卡雲尼為首嘅PSG攻擊線今季表現依然強勁，不過新帥杜曹試陣期間，後防就難有保證，面對實力不俗嘅聖伊天好易被偷雞，兩隊鬥攻隨時再有大手筆交易，中位數3/3.5球嘅大盤唔好錯過。
（Now 639周六凌晨2時45分直播）
聖日耳門防線甩漏多
新一季PSG保留大部分主力，尤其一條豪華攻擊線喺法甲絕對超晒班，雖然今場法國新星基利安麥巴比坐緊波監，不過有尼馬同卡雲尼兩位南美老大哥壓陣，仲有迪馬利亞同達斯拿喺中場幫波，想入波根本唔係問題。唯一問題係新帥杜曹依然未解決後防漏洞，近4仗聯賽PSG雖然大獲全勝，不過其中3場都有失波，對住昂熱、甘岡呢類下游球隊都守唔住，防線表現實在信唔過。
況且對手聖伊天今季引入突尼西亞攻擊好手卡斯里表現對辦，搭住進攻核心雷米卡比拿同火速上位嘅小將馬克達古爾，鋒線實力有番咁上下，借鑑PSG過去幾場對手嘅偷襲成功例子，聖伊天今場絕對有力對聯賽「1哥」造成唔少麻煩，睇好兩隊大打對攻戰，大盤捧得過。
