周一凌晨法甲激戰連場，阿King又度咗條過關心水同大家分享。其中馬賽將會主場鬥甘岡，踢法不嬲開放嘅甘岡，今季開咧防線已經多次崩潰，加上球隊陣容天殘地缺，呢場面對攻力強勁嘅馬賽，隨時輸多幾粒，2.07倍嘅3.5球大盤可作過關重心。
（Now 639周一凌晨3時直播）
甘岡今季開咧慘遭4連敗，戰績咁曳，一班守將要負好大責任，佢哋頭4場已經失咗10球，係法甲至今失球數最多嘅球隊，加上除咗防線主力基巴迪要坐緊波監之外，後衞迪積古蓋達、中場達賓奴同利保根菲尼等球員都有傷上陣成疑，甩漏問題隨時再現。相反今季成功留住皮耶同泰奧雲等進攻好手嘅馬賽，火力有保證，球隊近4仗全開4球或以上，呢場面對殘陣甘岡，一班攻擊手隨時發圍，就算中位數去到3.5球，大盤依然值得一試。
競賽會再恰拉魯斯
跟住再搭多兩場阿甲，聖達菲聯主場迎戰泰拿尼斯，泰拿尼斯近3仗半場都同對手打和，表現慢熱，呢場半場和係好路。最後競賽會近4次聯賽鬥拉魯斯贏晒，加上前鋒利辛度盧比斯近排腳風奇順，呢場就算作客都有力擊敗對手，一於揀客勝。
