含冤被逐C朗谷爆
今晚意甲壓軸尾場，「1哥」祖雲達斯作客費辛隆尼。祖記王牌C朗日前喺歐聯「含冤領紅」，依家嬲到震要搵人發洩，撞正曳到冇朋友嘅費辛隆尼，勢必成為佢嘅出氣袋，祖記讓2球照捧2.35倍讓球客勝。
（Now 638周一凌晨2時30分直播）
祖記開咧聯賽4連勝，連頭3場食白果嘅C朗，都喺上場聯賽贏薩斯索羅2比1開齋，仲要入夠兩粒添，相信佢摸熟咗意甲踢法後，入波陸續有嚟。
費辛隆尼唔曉入波曳到震
不過C朗喺上周中歐聯對華倫西亞就唔好彩，呢位葡萄牙隊長用手輕推對方謝臣梅里路頭部，竟被球證出示紅牌驅逐離場，搞到佢當場爆喊，因為係佢首次喺歐洲賽做「紅牌阿姑」，C朗咁樣含冤受屈勢係假，今場實落多兩錢肉緊，入多幾粒洩憤。
新升班費辛隆尼有哥斯達黎加前鋒祖爾甘保助陣，但開咧後聯賽連意盃，僅得1和4負，仲要1球都入唔到，曳到冇朋友，上場慘吞森多利亞5蛋明顯未夠班。由於祖記客Ｗ得1.12倍勁奀，既然C朗咁有戰意，連同對華倫入兩粒嘅比真歷等弗到震，讓球主客和祖記要讓到2球都冇有怕，照捧讓球客勝。
