FC多倫多唔齊腳
美職嚟到季尾，各隊爭玩季後賽都要作最後衝刺，周四早上有華盛頓聯隊主場迎戰FC多倫多。主場強勢嘅華盛頓聯隊，雖然暫據季後賽席位，不過積分優勢唔算明顯，為免夜長夢多，今仗肯定要全力爭勝，主勝博得過。
（Now 638、有線614及654台周四早上7時30分直播）
美職季後賽資格爭奪進入白熱化階段，其中今季表現最突出嘅球隊，肯定要數總排名暫列第1嘅阿特蘭大聯；呢支上季先首次踢美職嘅東岸球隊，今季延續強勢表現，尤其委內瑞拉前鋒祖斯夫馬天尼斯今季腳風奇順，至今聯賽轟入30球，已經打破歷屆美職個人入球紀錄，仲為球隊鎖定東岸季後賽4強席位。
聯賽近6主場5勝1和
其實近年美職新軍喺處子賽季都有唔錯表現，繼上季阿特蘭大聯之後，今季表現最令人驚喜嘅肯定係FC洛杉磯，佢哋首次加盟美職，就喺前美國國家隊主帥巴特利帶領下大踢進攻足球，踢法觀賞性十足，贏盡掌聲，嚟緊季後賽表現值得期待。
講番華盛頓聯隊今場比賽，呢支正全力搶分爭入季後賽嘅首都球隊，臨到季尾連續多仗坐鎮出場出擊，避免作客舟車勞頓，班波狀態自然有保證，加上有弗爆頭號球星朗尼壓陣，球隊近6仗聯賽主場錄得5勝1和，走勢極佳。況且對手FC多倫多有多位主力今場上陣成疑，包括要踢太公波嘅米高巴特利同意大利球星基奧雲高，整體實力大打折扣，作客難望鍊得贏華盛頓聯隊，捧1.65倍主勝好過。
