只求３分咪旨意曼城大炒
英超今晚上演《Premier League Endgame》，曼城同利物浦鬥至最後一輪爭奪英超錦標！究竟係「紅軍」以極高分成為「悲情亞軍」，抑或「藍月亮」爆冷失分畀利物浦後上？今晚12點前自有分曉！
現時以1分領先利物浦嘅曼城，今晚只要作客贏到白禮頓，即可成為近10年首支成功衞冕球隊。近仗所見「藍月亮」踢嚟有啲緊張，加上重要關頭作客陌生環境，即使領先都會放慢腳步，只求保持勝果。樂比認為曼城今晚未必會大勝捧盃，讓球盤讓到兩球，捧下盤兼入球細。
（Now 621周日晚10時直播）
壓力令球員更拘謹
曼城今仗客Ｗ得1.1倍，讓球盤讓兩球，都算誇張。首先英超場場硬仗，之前要爭前4嘅熱刺、阿仙奴同曼聯頻頻失分，降咗班嘅富咸可以反彈3連勝，就知道英超世界乜都有可能。樂比同意曼城今仗勝算係高，但係咪輕鬆大勝捧盃，真係有保留。
曼城聯賽雖已13連勝，但近幾仗險勝居多，上仗對李斯特城就差啲失分，嚟到季尾除咗疲累，無形壓力亦令球員透不氣過來，踢嚟會更拘謹，呢種情況下想搵到「燕梳球」已經好奢侈，咪旨意佢哋可大勝3球幫你贏盤！如果球賽去到尾聲，利物浦嗰邊仲未領先甚至落後，曼城球員收到指令拖慢嚟踢好正常，實在有太多理由捧下盤同入球細。
白禮頓上仗喺上晒岸情況下照逼和阿仙奴，可見佢哋絕不會揸流攤，尤其主場謝幕更加會搏老命。今季其餘5支「Big 6」嚟到白禮頓主場，未有一隊贏多過一球，兩隊早前喺足總盃碰頭，曼城亦只係小勝1比0，所以「藍月亮」今場絕對唔會踢得輕鬆。
