又到星期五，又係時候熱定身準備周六同周日嘅波，今日重心應該係下晝嘅日職，加埋場英甲附加賽，整條3串1就弗。日職先講場直播波浦和紅鑽對湘南比馬，湘南比馬守優攻弱，近7戰全部開2球或以下，今仗2.5球入球細係心水推介。
（有線603及604台周六下午6時30分直播）
值得留意嘅係浦和紅鑽下周要踢亞冠盃最後一場分組賽，主場硬撼FC北京爭最後一個出線席位，所以今場對湘南比馬未必會盡力，佢哋今屆亞冠盃前嘅5場聯賽錄得2勝3負，當中4場開入球細，所以話佢哋留力絕對有迹可尋，2.5球入球細絕對諗得過。
過關串前鋒勝查爾頓上盤
至於較早時間開波嘅川崎前鋒對名古屋鯨魚，阿King就睇好前鋒。呢場前列大戰理論上係五五波，不過前鋒近況弗爆，上場作客4比0大勝清水心跳，4個入波來自唔同球員，球隊累積聯賽5連勝，而且只失過2球，今場值得睇高一線。最後講埋英甲升班附加賽次回合，首回合查爾頓領先2比1，以球隊主場6連勝之勢，有力再贏唐卡士打，小讓平半揀上盤。
