周一凌晨意甲大戰，祖雲達斯將會主場鬥阿特蘭大。已經提前聯賽封王嘅祖記季尾頻頻失分，明顯欠缺戰意，相反阿特蘭大為保住前4席位仲要搏殺，呢場有力搶分，讓球客勝係好路。
（myTV Gold 301、Now 638、有線614、654台周一凌晨2時30分直播）
早前殺入意盃決賽嘅阿特蘭大，去到比賽尾段先連失2球不敵拉素飲恨，實屬可惜，不過一班球員並冇輕易罷休，皆因佢哋仲有機會透過聯賽，爭奪球會史上首次征戰歐聯嘅機會。尤其阿特蘭大嚟到季尾聯賽表現勁爭氣，近11場意甲不敗之餘，上輪2比1擊敗熱拿亞之後仲取得聯賽4連勝，狀態有保證。
主帥阿里基離隊更加心散
「老婦人」主帥阿里基剛剛宣布今季後將會離隊，令球隊前景蒙上陰影，加上祖記達成意甲8連霸創舉之後，已經近3場聯賽未贏過，季尾無欲無求一班球員明顯等緊收咧，戰意肯定輸蝕。況且祖記早前喺意盃8強就曾經慘吞阿特蘭大3蛋，表現毫無優勢，呢場都係捧番讓球客勝好過。
