亞冠生死戰 廣州核心缺陣
周三晚亞冠分組賽末輪激戰連場，等阿King同大家傾傾過關心水。其中FC廣州主場和FC大邱上演出線生死戰，FC廣州今仗有巴西進攻核心泰利斯卡因傷肯定缺陣，球隊實力大打折扣，呢場未必有力擊敗FC大邱，捧番FC大邱下盤好過。
（Now 671、有線612及652台周三晚6時直播）
曾經兩次捧走亞冠盃嘅FC廣州，暫以7分排名F組第3，落後FC大邱2分，想出線今仗非勝不可，可惜球隊進攻核心泰利斯卡啱啱聯賽上陣後舊患傷勢加劇，主帥簡拿華路賽前已經講到明呢位巴西愛將肯定倦勤，不嬲靠外援揾食嘅FC廣州冇咗呢為重量級球星助陣，攻力肯定大跌，面對打和就出到線、呢場必定死守嘅FC大邱，FC廣州取勝有難度，轉捧FC大邱下盤。
串鹿角半和慶南細
另外E組鹿島鹿角主場鬥FC山東，近4場亞冠半場都同對手打和嘅鹿島，呢場面對已經提早晉級16強嘅山東，鹿角攞1分都夠出線，半場和值得再追。
（Now 672、有線613及653台周三晚6時直播）
最後同組FC慶南主場迎戰柔佛DT，客隊喺亞冠表現屢有驚喜，近4仗3次開2球或以下，呢場有力守住慶南嘅攻勢，中位數2.5球入球細係好路。
（Now 670、有線611及651台周三晚6時直播）
